პუტინმა ემანუილ მაკრონს განუცხადა, რომ რუსეთი უკრაინაში საკუთარ მიზნებს ყველა შემთხვევაში მიაღწევს
03.03.2022 ნახვები: 737
რუსეთის პრეზიდენტმა ვლადიმერ პუტინმა საფრანგეთის პრეზიდენტ ემანუილ მაკრონს განუცხადა, რომ რუსეთი უკრაინაში საკუთარ მიზნებს ყველა შემთხვევაში მიაღწევს.
ინფორმაციას სააგენტო „როიტერი" კრემლზე დაყრდნობით ავრცელებს.
საფრანგეთისა და რუსეთის პრეზიდენტებს შორის სატელეფონო საუბარი დღეს გაიმართა. როგორც მედია წერს, კრემლის განცხადებით, ვლადიმერ პუტინმა ემანუილ მაკრონს განუცხადა, რომ უკრაინაში რუსეთის ოპერაციის მიზანი, უკრაინის დემილიტარიზაციისა და ნეიტრალური სტატუსის შესახებ, ყველა შემთხვევაში იქნება მიღწეული.
ამასთან, მედიის ინფორმაციით, რუსეთის პრეზიდენტის თქმით, კიევის ნებისმიერი მცდელობა, გადადოს მოლაპარაკებები, მოსკოვის მხრიდან მოთხოვნებში პუნქტების დამატებას გამოიწვევს
