გიორგი გახარია: „მთავრობის იგივე შემადგენლობა არის სრულად ლოგიკური“
23.12.2020 ნახვები: 728
პრემიერმინისტრობის კანდიდატის, გიორგი გახარიას თქმით, გაურკვეველია რა უნდა ყოფილიყო ერთი არგუენტიც კი იმის სასარგებლოდ, რომ მინისტრტა კაბინეტში ცვლილებები განეხორციელებინა. მისი თქმით, მთავრობის იგივე შემაგდენლობა სრულიად ლოგიკურია.
"რა თქმა უნდა, მთავრობის იგივე შემადგენლობა არის სრულად ლოგიკური, როგორც ჩემი გადმოსახედიდან, ასევე დარწმუნებული ვარ, ჩვენი მოქალაქეების გადმოსახედიდან, პირველ რიგში იმიტომ, რომ კრიტიკული მიმართულებების თვალსაზრისით, ეს მთავრობა ეფექტურად ახორციელებს თავის ძირითად ფუნქციებს, ეს ერთი. მეორე, ბევრი მიმართულებით მთავრობაში დაწყებულია სისტემური რეფორმები, ეს იქნება ჯანდაცვა, განათლება, ინფრასტრუქტურის სამინისტროში დაწყებულია სერიოზული პროექტები და ეს ტემპი არის უაღრესად მნიშვნელოვანი. სერიოზული რეფორმებია დაწყებული ეკონომიკის სამინისტროს მიმართულებით. ეს ყველაფერი, განსაკუთრებით, კრიზისის პერიოდში, არის ბოლომდე მისაყვანი - ლოგიკურ დასასრულამდე, ამიტომ გაურკვეველია, ერთი არგუმენტი მაინც რა უნდა ყოფილიყო მთავრობაში ცვლილებების მომხრედ", - თქვა გიორგი გახარიამ.
შეგახსენებთ, რომ გახარიას მინისტრობის კანდიდატებთან ერთად დღეს, 23 დეკემბერს ერთპარტიულ პარლამენტში ფრაქცია "ქართული ოცნება" უსმენს. მან სამთავრობო პროგრამა სახელწოდებით - "ევროპული სახელმწიფოს მშენებლობისთვის" წარადგინა.
