ევრო 2024 | შოტლანდია - შვეიცარია 1:1
20.06.2024 ნახვები: 662
A ჯგუფში გერმანიის ნაკრებმა ორი მატჩი მოიგო და მერვედფინალის საგზური მეორე ტურში მოიპოვა. დარჩენილი საპლეიოფო ადგილებისთვის შოტლანდია, უნგრეთი და შვეიცარია იბრძვიან. ამიტომ დიდი მნიშვნელობა ჰქონდა შოტლანდიისა და შვეიცარიის მატჩის შედეგს. მოგების შემთხვევაში შვეიცარიაც გაინაღდებდა მომდევნო ეტაპის საგზურს. მატჩი ფრედ 1:1 დასრულდა, რაც იმას ნიშნავს, რომ მერვედფინალში გამსვლელთა ვინაობა ბოლო ტურში, 23 ივნისს გაირკვევა.
ფაქტები
- შოტლანდიის ნაკრებმა ევროპის ჩემპიონატზე პირველად 1996 წელს მოიგო – მაკკოისტის გოლით, 1:0. მაშინ მისი მეტოქე შვეიცარია იყო.
- შაქირი ერთადერთი ფეხბურთელია, რომელსაც ბოლო 6 დიდ ტურნირზე გოლი აქვს გატანილი – ევროპისა და მსოფლიო ჩემპიონატებზე მის ანგარიშზე 10 გოლია.
13′ წუთი. გერმანიასთან 1:5 წაგების შემდეგ შოტლანდიელებს უკანდასახევი გზა არ ჰქონდათ. მათ შვეიცარიასთან მატჩი მეტად აქტიურად დაიწყეს და დაუფასდათ კიდეც. მაკტომინეის დარტყმულს მიმართულება შერმა შეუცვალა. ოფიციალურ საიტზე თავიდან ავტოგოლი შერს ჩაეთვალა, მაგრამ საბოლოოდ გოლი მაკტომინეის ანგარიშზე ჩაიწერა.
26′ წუთი. შოტლანდიელთა შეცდომით კარგად ისარგებლა შაქირიმ, რომელმაც ერთი შეხებით ბურთი სკოტების ცხრიანში გაიტანა. ეს გახლდათ მეათე გოლი საჯარიმოს გარედან ევრო 2024-ზე.
ბოლო ტურში, 23 ივნისს შოტლანდია უნგრეთს დაუპირისპირდება, ხოლო შვეიცარია – გერმანიას. ორივე მატჩი 23 საათზე დაიწყება. A ჯგუფის სატურნირო მდგომარეობა:
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
