უნდა გადმოგყავდეთ ჩვენი მოქალაქეები, არა თუ ფულს აკეთებდეთ მორიგჯერ ადამიანების უბედურებებზე - გოჩა მირცხულავა

"ჩვენ კი არ უნდა გვწერდნენ მოქალაქეები თანადგომას დახმარებისთვის, არამედ თქვენი ცხელი ხაზი უნდა აკეთებდეს რამეს, იმის გარდა, რომ მოქალაქეებს უთხრათ დაბომბვის დროს სად შეაფარონ თავი", - ამის შესახებ სოციალურ ქსელში ანალიტიკოსი გოჩა მირცხულავა წერს. 

"საქართველოს მთავრობა რით ეხმარებით საქართველოს მოქალაქეებს, რომელთაც გამოსვლა სურთ ისრაელიდან? ის მაინც მოიკითხეთ რამდენით გაძვირდა ამ ბოლო დღეებში ფრენის ღირებულება. ან ის, რომ საქართველოში გამოსაფრენი ბილეთები პარასკევამდე არც არის და ისიც შეზღუდულად. ჩვენ კი არ უნდა გვწერდნენ მოქალაქეები თანადგომას დახმარებისთვის, არამედ თქვენი ცხელი ხაზი უნდა აკეთებდეს რამეს, იმის გარდა, რომ მოქალაქეებს უთხრათ დაბომბვის დროს სად შეაფარონ თავი. ეგ მათ თქვენს თანამშრომლებზე უკეთ იციან. ამ წუთებშიც კი აეროპორტისკენ მიდიან ადამიანები, რომელთაც არც ბილეთი აქვთ და არც იმედი შეძლებენ გამოფრენას თუ არა. სახელმწიფო ვართ თუ მართლა კანტორა? ახლა საელჩო უნდა აკეთებდეს გამოფრენის მსურველთა სიებს და თქვენ უფასოდ (!) უნდა გადმოგყავდეთ ჩვენი მოქალაქეები, არა თუ ფულს აკეთებდეთ მორიგჯერ ადამიანების უბედურებებზე, როგორც აკეთებინეთ მილიონები გაიაშვილს კოვიდის დროს.", - წერს მირცხულავა