დედაჩემმა კაცად გამზარდა - გლდანში ძალადობის ფაქტზე დაკავებული ტატო ხუნდაძე
25.09.2023 ნახვები: 670
"მე კაცად გამზარდა დედაჩემმა", - ამ სიტყვებით მიმართა გლდანის გამგეობის თანამშრომელმა ტატო ხუნდაძემ მოსამართლეს. ხუნდაძე გლდანში პოლიტიკური ანგარიშსწორების შემდეგ დააკავეს. პროკურატურის მტკიცებით, არსებული მტკიცებულებებით, 6-ვე დაკავებული ირაკლი ეძგვერაძისა და მის მეგობრების მიმართ თავდასხმაში მონაწილეობდა.
ხუნდაძის თქმით, დაპირისპირების პროვოცირება თავად „ნაციონალური მოძრაობის“ წარმომადგენლების მხრიდან მოხდა.
"ირაკლი ეძგვერაძე ჩემს ოჯახშია გაზრდილი… მათი მხრიდან იყო შეძახილები, „კახი კალაძის მონები ხართ“, „სადამსჯელო რაზმი ხართ“. ამასთან, დედაჩემს, რომ ასე შეურაცხმყოფელად მოიხსენიებს, ასიდან ას შემთხვევაში ასე მოვიქცევი. მე კაცად გამზარდა დედაჩემმა.
მე ვარ თანამდებობის პირი და შემთხვევით მივიღე მონაწილეობა ამ ყველაფერში, ამიტომ უნდათ ამის გამოყენება პოლიტიკურად“, - განაცხადა ტატო ხუნდაძემ.
