ფრონტზე წარუმატებლობის გამო რუსეთში მაღალჩინოსან სამხედროებს ათავისუფლებენ-ბრიტანული დაზვერვა
19.05.2022 ნახვები: 578
დიდი ბრიტანეთის თავდაცვის სამინისტროს დაზვერვის ინფორმაციით, ფრონტზე წარუმატებლობის გამო რამდენიმე რუსი მაღალჩინოსანი სამხედრო გაათავისუფლეს ან სარდლობიდან მოხსნეს.
დაზვერვის ცნობით, გენერალ-ლეიტენანტი სერგეი კისელი ხარკოვის აღების ჩავარდნის გამო მოხსნეს. ვიცე-ადმირალი იგორ ოსიპოვი კი კრეისერ მოსკვას ჩაძირვის გამო გაათავისუფლეს. ყოველდღიურ მიმოხილვაში დიდი ბრიტანეთის დაზვერვა აცხადებს, რომ გენერალური შტაბის ხელმძღვანელი ვალერი გერასიმოვი პოსტზე რჩება, თუმცა უცნობია, ენდობა თუ არა მას კვლავ პრეზიდენტი პუტინი.
"დადუმებისა და განტევების ვაცის ძიების კულტურა, სავარაუდოდ, გავრცელებულია რუსეთის სამხედრო და უსაფრთხოების სისტემებში", - აღნიშნავს დაზვერვა.
