ინფრასტრუქტურის მინისტრის, მაია ცქიტიშვილის თქმით, თბილისში, ქუთაისში, ბათუმში, გორში, რუსთავში, ზუგდიდში, ფოთსა და თელავში 24 დეკემბრიდან 2 იანვრის ჩათვლით დაშვებული იქნება სავაჭრო ობიექტების ფუნქციონირებას, ოღონდ მათთვის დამატებითი შეზღუდვები წესდება. კერძოდ, მინისტრის თქმთ:
"მაღაზიების სამუშაო საათები განისაზღვრება დილის 7 საათიდან საღამოს 7 საათამდე.
მომხმარებლების სავაჭრო სივრცეში დაშვება უნდა მოხდეს ნაკადების მკაცრი დაცვით, ამისთვის, მაღაზიების ფართის ყოველ 20 კვადრატულ მეტრზე დაიშვება არა უმეტეს 1 მომხარებლისა.
მაღაზიების როგორც შიდა, ასევე, გარე სივრცეში უნდა მოხდეს რიგების მკაცრი მართვა, რათა იყოს დაცული ყველა ზომა, სოციალური დისტანცია, პირბადის ტარება.
ფასდაკლებები და აქციები უნდა გამოცხადდეს ძირითადად ან დილის საათებში ან ონლაინ გაყიდვების დროს, რათა არ იყოს დაშვებული მომხმარებლების დიდი კონცენტრაცია.
ტანსაცმლის მაღაზიებში არ იმუშავებს გასახდელები
ამასთან, მომხამრებელთა ინტერესების დაცვის მიზნით, მაღაზიებმა უნდა დაუშვან პროდუქტიიცს დაბრუნება ან გადაცვლა 1 თვის განმავლობაში და ეს უნდა მოხდეს პირველი თებერვლის შემდეგ.
სავაჭრო ცენტრებსი იკრძალება კვების ობიექტების ფუნქციონირება, მათ შორის გატანის სერვისიც".
"ყველა სივრცეში და მაღაზიის გარეთ რიგებში დაცული უნდა იყოს სოციალური დისტანცია და პირბადის უპირობოდ, სავალდებულოდ და სწორად მოხმარება. აღნიშნულზე სრული პასუხისმგებლობა ეკისრება მაღაზიების და სავაჭრო ცენტრების ადმინისტრაციას", - თქვა მაია ცქიტიშვილმა.
ცქიტიშვილის თქმით, სასტუმროები და იქ არსებული რესტორნები "ხშირად ცდილობენ გევრდი აუარონ აკრძალვას", შესაბამისად
"სასტუმროების რესტორნები იმუშავებენ მხოლოდ საღამოს 9 საათამდე, ხოლო 22 საათის შემდეგ დაშვებული იქნება მხოლოდ ნომერში მომსახურების სერვისი", - თქვა ცქიტიშვილმა.
შეგახსენებთ, რომ მთავრობის ახალი გადაწყვეტილებით, 24 დეკმებრიდან 22 იანვირს ჩათვლით შეზღუდვების შემსუბუქება არ განხორციელდება იმ მასშტაბით, რა მასშტაბითაც ეს თავიდან დაგაეგმილი იყო.
