სამოქალაქო აქტივისტი ბესო წერედიანი მსჯავრდებულ გიორგი დავითაძის საქმესა და მისი ოჯახის მიერ გავრცელებულ ინფორმაციას ეხმაურება. წერედიანი ყურადღებას ამახვილებს იმაზე, რომ დავითაძის ოჯახი წარსულში „ქართული ოცნების“ მხარდამჭერი იყო, ახლა კი, მისი შეფასებით, შვილის დაცვის მოთხოვნის გამო ხელისუფლების მხარდამჭერთა თავდასხმის ობიექტი გახდა.
„ანუ ტიპი თავგადაკლული ქოცი იყო მაშინ, როდესაც დღევანდელი ქოცები ჩვენთვის ხმებს აგროვებდნენ სოფელ-სოფელ, იყო აქტივისტიც, დეპუტატიც და საკუთარი შვილის დაცვას ითხოვს, რომელიც პირდაპირ ამბობს, გამაუპატიურესო და ქოცები არათუ იცავენ, აგინებენ, ბოლომდე მიწაში დებენ და ქოლავენ.
არც ის დაგავიწყდეთ, რომ დღემდე ვერცერთმა რეალურმა ქოცმა სახალხოდ ვერ თქვა, „იმ 9 წლის“ განმავლობაში გამაუპატიურესო, სახელდებულად.
თავისას არ ინდობენ, თავისას ანადგურებენ, თავისას სწირავენ. მათთვის არ არსებობს დედა, მამა, შვილი, ძმაკაცი, ნათლია, მოძმე და თანამემამულე.
მათთვის არ არსებობს ცნებები: ღირსება, რწმენა, თავმოყვარეობა, სიამაყე...
ესენი არიან ქართველები და ამათთან აპირებთ მოლაპარაკებას?
ამათთან აპირებთ სახელმწიფოს შენებას და მომავლის აღზრდას?“ – წერს ბესო წერედიანი.
