თავდაცვის ყოფილი მინისტრი დავით თევზაძე პრეზიდენტის მრჩევლად დაინიშნა
23.02.2022 ნახვები: 546
საქართველოს პრეზიდენტის, სალომე ზურაბიშვილის მთავარ მრჩევლად სტრატეგიული დაგეგმვის საკითხებში თავდაცვის ყოფილი მინისტრი დავით თევზაძე დაინიშნა.
როგორც პრეზიდენტის ადმინისტრაციის ვებგვერდზეა აღნიშნული, დავით თევზაძე სტრატეგიული დაგეგმვის საკითხებში მთავარი მრჩევლის თანამდებობას 2022 წლის 21 თებერვლიდან იკავებს.
ცნობისთვის, დავით თევზაძე დაიბადა 1949 წლის 30 იანვარს სოხუმში. 1998-2004 წლებში დავით თევზაძე იყო საქართველოს თავდაცვის მინისტრი და შეიარაღებული ძალების მთავარსარდალი, ეროვნული უშიშროების საბჭოს წევრი, 2004 წელს - საქართველოს ელჩი ნატო-ში. 2004-2005 წლებში ხელმძღვანელობდა სტრატეგიული კვლევების ჯგუფს. დათხოვილია თადარიგში 2004 წლიდან. 2017 წლიდან იგი იყო ვეტერანების საქმეთა სახელმწიფო სამსახურის დირექტორის მრჩეველი.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
