„ჩანს, რომ ოპოზიციამ ძალიან კარგად იცის, ეჭვი აღარ ეპარება არავის, ყველაზე ოპტიმისტ ოპოზიციონერსაც კი, რომ ისინი მარცხდებიან. მორიგ დიდ სამარცხვინო მარცხს მიიღებენ 26 ოქტომბერს. ამიტომ ხავსს ეკიდებიან. ახლა მოიფიქრეს, მოდი, დამატებითი უბნები დავამატოთ საზღვარგარეთ. არაფერი არ უშველით მათ, რამდენი უბანიც უნდა დაამატონ, ამას გაწყვეტს ხელისუფლება. მაგრამ, დიასპორის წარმომადგენელს თუ ვინმეს უნდა არჩევნებში მონაწილეობა, ეს შეუძლიათ. საელჩოებში შესაბამისი უბნებია გახსნილი და ყველას შეუძლია, მიიღოს მონაწილეობა არჩევნებში, ან ჩამოვიდნენ საქართველოში და მიიღონ მონაწილეობა. ვინმეს ვუშლით, თუ ეკრძალებათ მათ მონაწილეობის მიღება?“, – განაცხადა ღარიბაშვილმა.
ირაკლი ღარიბაშვილის თქმით, პრეზიდენტი ვერ ეგუება იმ ფაქტს, რომ ძალიან მალე მოუწევს პრეზიდენტობის დათმობა.
„სამწუხაროა, რომ პრეზიდენტი აღარ ემსახურება ქართველ ხალხს, აღარ ემსახურება საქართველოს ინტერესებს და ჩართულია დესტრუქციულ, პროვოკაციულ, იაფფასიან კამპანიაში“, – განაცხადა ირაკლი ღარიბაშვილმა.
ამასთან, „მთავარი არხის“ ჟურნალისტის კითხვას, „სად არის ბიძინა ივანიშვილი“, – ირაკლი ღარიბაშვილი პასუხობს: „რატომ ინტერესდებით საერთოდ, თქვენ ნერვიულობთ ბატონ ბიძინაზე? თქვენი საკითხავი არ არის ჩვენი პარტიის საპატიო თავმჯდომარე და დამფუძნებელი. თქვენი საფიქრალი არ არის ეს საკითხი. ვიცი, რომ ნერვიულობთ ყველანი ბატონი ბიძინას პოლიტიკაში დაბრუნების და ჩართულობის გამო. 26 ოქტომბერს მიიღებთ მორიგ დიდ დამარცხებას.თქვენ მათი წარმომადგენელი ხართ“.
