რისეთის ხელისუფლებამ მოსკოვში „კროკუს სითი ჰოლის“ საკონცერტო დარბაზში თავდასხმა ტერაქტად შეაფასა.
შესაბამისი განცხადება რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ გააკეთა.
არსებული ინფორმაციით, საკონცერტო დარბაზში სპეცდანიშნულების რაზმი შტურმით შევიდა.
მოსკოვის მერის, სერგეი სობიანინის განკარგულებით, გაუქმებულია ყველა სპორტული და კულტურული ღონისძიება, რომელიც უქმეებზე იყო დაგეგმილი.
მოსკოვში აეროპორტებსა და რკინიგზის სადგურებზე უსაფრთხოების ზომები გამკაცრდა.
„კროკუს სითი ჰოლში“ რამდენიმე შეიარაღებული პირი შეიჭრა და კონცერტზე მისულ მაყურებელს ცეცხლი გაუხსნა.
რუსული მედია 15-დან 40-მდე დაღუპულისა და 100-მდე დაშავებულის შესახებ იუწყება.
