"ოცნების" პარტაქტივი პრეზიდენტის გასამართლებას საკონსტიტუციო სასამართლოში უკვე მეორე დღეა ესწრება.
"პირველებმა" გაარკვია, რომ ახალგაზრდების ორგანიზებას ბათუმის საკრებულოს დეპუტატი რიჩარდ სირაბიძე უწევს, რომელიც ადგილზე მიდის და აკონტროლებს, ახალგაზრდები სხდომას ესწრებიან თუ არა.
"პირველებმა" სირაბიძეს ჰკითხა, თუ რატომ გახდა სტუდენტების დასწრება სასამართლო პროცესზე აუცილებელი, თუმცა მან კითხვებზე პასუხის გაცემა არ ისურვა.
"პირველებმა" მოიპოვა ფოტოები, რაც ადასტურებს, რომ ის ახალგაზრდები, რომლებიც გუშინ სხდომაზე იყვნენ, სირაბიძემ საქეიფოდ წაიყვანა.
სირაბიძე ამბობს, რომ ისინი რესტორანში კვარაცხელიას გოლის აღსანიშნავად იყვნენ, თუმცა "პირველებს" წყარო ეუბნება, რომ მათ მიიღეს ჯილდოს სახით სუფრა რესტორანში და როგორც ასევე წყარო ამბობს, დღესაც იგივე ჯილდო ელით ახალგაზრდებს, რომლებიც არ უარყოფენ, რომ არიან "ოცნების" მხარდამჭერები, თუმცა უმეტესობამ, არ იცის, რატომ არიან სასამართლო პროცესზე.
