შალვა პაპუაშვილი საფრანგეთის სენატის თავმჯდომარეს შეხვდა
08.06.2023 ნახვები: 546
საქართველოს პარლამენტის თავმჯდომარემ, შალვა პაპუაშვილმა შეხვედრა გამართა საფრანგეთის სენატის თავმჯდომარესთან, ჟერარდ ლარშესთან. ინფორმაციას პარლამენტის პრესსამსახური ავრცელებს.
მათივე ცნობით, შალვა პაპუაშვილმა ისაუბრა ევროკომისიის 12 რეკომენდაციის შესრულების პროგრესზე და იმედი გამოთქვა, რომ წლის ბოლოს ევროპული საბჭო მიანიჭებს საქართველოს კანდიდატი ქვეყნის სტატუსს.
საფრანგეთის სენატის თავმჯდომარემ აღნიშნა, რომ საფრანგეთი კვლავ განაგრძობს საქართველოს მხარდაჭერას ევროინტეგრაციის გზაზე. ჟერარდ ლარშემ საუბრისას ხაზი გაუსვა საქართველოს ჩრდილოატლანტიკურ ალიანსში გაწევრიანების მისწრაფებას და აღნიშნა, რომ მისი წვლილი გლობალური უსაფრთხოებისა და რეგიონში სტაბილურობის უზრუნველსაყოფად განუზომელია.
საქართველოს პარლამენტის თავმჯდომარემ ასევე ისაუბრა ქვეყანაში არსებულ ეკონომიკურ და პოლიტიკურ ვითარებაზე.
შეხვედრაზე მხარეებმა საქართველოსა და საფრანგეთს შორის არსებულ მჭიდრო პარტნიორულ ურთიერთობებზე ისაუბრეს და წლების მანძილზე არსებული ისტორიული და კულტურული თანამშრომლობის გაღრმავების მზაობა გამოხატეს.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
