"ტვ პირველის" ეთერში გასული სალომე ზურაბიშვილის ინტერვიუ დღეს პოლიტიკური განხილვის მთავარ ამბად იქცა.
"ოცნებიდან" წამოსული თავდაცვის ყოფილი მინისტრი თინა ხიდაშელი ამბობს, რომ საქართცველოს პრეზიდენტმა გუშინ პირდაპირ დაასახელა მიზეზები, თუ რატომ თვლის ოლიგარქად ბიძინა ივანშვილს.
ხიდაშელი ასევე ამბობს, რომ ივანიშვილს მასზე ინტელექტუალურად უპირატეს ადამიანებთან პრობლემა აქვს და სწორედ მათ რიცხვშია სალომე ზურაბიშვილიც.
გვითხრა, კონკრეტული მიზეზი, თუ რატომ თვლის ის, რომ ის ოლიგარქია და იმიტომ, რომ ის აკონტროლებს მედიას და ხელისუფლებას. სწორედ ეს არის მთავარი განმასხვავებელი, უბრალოდ მდიდარ ადამიანსა და ოლიგარქს შორის. სად არის სიმძიმის ცენტრი, სად მიიღება გადაწყვეტილებები, ეს არის მთავარი მსაზღვრელი, როდესაც ვლაპარაკობთ ოლიგარქიაზე. რა თქმა უნდა, ეს სიმძიმის ცენტრი არის ბატონ ივანიშვილთან. მას ზოგადად პრობლემა აქვს ყველა ადამიანთან, რომელსაც ინტელექტუალური უპირატესობა აქვს მასზე და სალომე ზურაბიშვილს, რა თქმა უნდა, სალომე ზურაბიშვილს მნიშვნელოვანი ინტელექტუალური უპირატესობა აქვს", - ამბობს ხიდაშელი.
გუშინ "ტვ პირველისთვის" მიცემული ხმაურიანი ინტერვიუს დროს ზურაბიშვილმა მმართველ გუნდის მოუწოდა გონს მოვიდნენ. ასეთი კრიტიკული პრეზიდენტი არასდორს ყოფილა.
ზურაბიშვილმა კობახიძე-ღარიბაშვილის გუნდს ფაქტობივად დავალებების შემსრულებელი უწოდა. პრეზიდენტმა ყველაფერს თავისი სახელი დაარქვა. მათ შორის ბიძინა ივანიშვილსაც და მას ოლიგარქი უწოდა.
