ევროკავშირმა რუსეთის წინააღმდეგ სანქციების მეათე პაკეტი დაამტკიცა
25.02.2023 ნახვები: 540
ევროკავშირმა რუსეთის წინააღმდეგ სანქციების მეათე პაკეტი დაამტკიცა.
„ერთი წელი გავიდა რუსეთის სასტიკი და უკანონო შეჭრიდან უკრაინაში. დღეს ევროკავშირმა დაამტკიცა სანქციების მე-10 პაკეტი“, - ნათქვამია ანგარიშში.
ახალი პაკეტი მოიცავს ექსპორტის უფრო მკაცრ შეზღუდვებს ორმაგი გამოყენებისა და ტექნოლოგიების მიმართ; დაწესებულია მიზანმიმართული შეზღუდვები ომის მხარდამჭერი ფიზიკური პირებისა და სუბიექტების მიმართ, რომლებიც ჩართული არიან პროპაგანდის გავრცელებში, ომში რუსეთის მიერ გამოყენებული უპილოტო საფრენი აპარატების მოწოდებაში. პაკეტში ასევე ასახულია ზომები რუსული დეზინფორმაციის წინააღმდეგ.
ევროკავშირის საბჭოს თავმჯდომარე ქვეყნის - შვედეთის განცხადებით, ევროკავშირის წევრმა ქვეყნებმა ერთად დააწესეს ყველაზე ძლიერი და შორსმიმავალი სანქციები, რაც კი ოდესმე ყოფილა, რათა დაეხმარონ უკრაინას ომის მოგებაში.
„ჩვენ გავაგრძელებთ უკრაინის მხარდაჭერას მანამ, სანამ ეს საჭირო იქნება“, - ნათქვამია თავმჯდომარე ქვეყნის მიერ გავცელებულ განცხადებაში.
შეგახსენებთ, რომ გუშინ გამოცემა პოლიტიკომ გაავრცელა ინფორმაცია, რომლის მიხედვითაც მეათე პაკეტზე შეთანხმება ვერ მოხერხდა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
