უკრაინის ომბუდსმენი: რასაც ფოტოზე და ვიდეოზე ვხედავთ არის უკრაინის მოქალაქის წამება
02.02.2023 ნახვები: 548
რასაც ფოტოზე და ვიდეოზე ვხედავთ არის უკრაინის მოქალაქის წამება. ამის შესახებ ტელეგრამზე წერს უკრაინის ომბუდსმენი, დმიტრო ლუბინეცი და მიხეილ სააკაშვილის სანახავად დაშვებას ითხოვს.
„ყველა საჯაროდ უყურებს, როგორ უარესდება მისი მდგომარეობა. და ეს მიუღებელია! კიდევ ერთხელ, საჯაროდ მოვუწოდებ საქართველოს ხელისუფლებას, დამიშვას უკრაინის მოქალაქესთან", - წერს უკრაინის ომბუდსმენი.
მისი თქმით, რამდენჯერმე წერილით მიმართა სახალხო დამცველსა და იუსტიციის სამინისტროს, თუმცა პასუხი არ მიუღია. ის ხელისუფლებას მოუწოდებს, სააკაშვილის სამკურნალოდ გადაიყვანონ და აღნიშნავს, რომ უკრაინა განზე არ დადგება, როცა მისი მოქალაქეები ასეთ პირობებში არიან.
პატიმრობაში მყოფი საქართველოს მესამე პრეზიდენტი 1-ელ თებერვალს სასამართლო პროცესს დისტანციურად ჩაერთო. მან სასამართლოს სიტყვით ქართულ და უკრაინულ ენებზე მიმართა და თქვა, რომ "ერთადერთი, რასაც ითხოვს, ადეკვატური მკურნალობის საშუალების მიცემაა".
მიხეილ სააკაშვილმა სასამართლოზე სიტყვით გამოსვლისას საკუთარ ჯანმრთელობის მდგომარეობაზე ისაუბრა და ფიზიკური მდგომარეობის საჩვენებლად მაისური აიწია. მან "არაეთიკური სურათის" ჩვენებისთვის ბოდიში მოიხადა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
