მიხეილ სარჯველაძე - საარჩევნო რეფორმა, კანონმდებლობის დახვეწის თვალსაზრისით, წინ გადადგმული ნაბიჯია
ხატია დეკანოიძე - არ გამოვრიცხავ, რომ ამდენი თავხედური ნაბიჯის შემდეგ, ერთ დღესაც „ქართული ოცნება“ დარჩეს ერთპარტიულ პარლამენტში
სოზარ სუბარი - ძალიან მიკვირს, როცა ჩვენი პარტნიორი ქვეყნების ელჩები აკეთებენ ზედმეტად მკაცრ შეფასებებს სასამართლო რეფორმის მიმართ
გიგა ბოკერია - მინდა ვურჩიო ყველას, ვინც უტიფრობა გამოიჩინა, კარგად ჩახედოს მიშელის დოკუმენტს
ირაკლი კობახიძე - გუშინწინ გვარამიას სიზმრები ვიხილეთ, გუშინ - კეზერაშვილის, ოცნებობენ, რომ „ნაცმოძრაობის“ და გახარიას კოალიცია შედგეს
ანა ნაცვლიშვილი - მთავრობის ანგარიშვალდებულება პარლამენტის წინაშე არ გულისხმობს იმას, რომ ვიღაც დადგება ტრიბუნასთან, მოყვება სადღეგრძელოებს და მითებს, რა კარგად ცხოვრობს ქვეყანა
საქართველოში კორონავირუსით ინფიცირების 699 ახალი შემთხვევა გამოვლინდა, ბოლო 24 საათში 34 104 ტესტი ჩატარდა
საქართველოში კორონავირუსით კიდევ 9 ადამიანი გარდაიცვალა

ადვოკატი - ყველა პოლიციელს ნიკა მელიას აქტიური როლი დაამახსოვრდა და ვერც ერთმა მათგანმა ვერ ახსნა, რატომ არ ახსოვთ სხვა პოლიტიკოსები აქციაზე

06.10.2021 | 16:48

ყველა პოლიციელს ნიკა მელიას აქტიური როლი დაამახსოვრდა და ვერაფრით ახსნა ვერც ერთმა მათგანმა, რატომ არ ახსოვთ სხვა პოლიტიკოსები აქციაზე, - ამის შესახებ „ერთიანი ნაციონალური მოძრაობის" თავმჯდომარის, ნიკა მელიას ადვოკატმა გიორგი კონდახიშვილმა სასამართლო პროცესის დასრულების შემდეგ განაცხადა.

როგორც ადვოკატი განმარტავს, პოლიციელები იმას იმეორებენ, რაც ფურცელზე უწერიათ.

„ფაქტობრივად, უკვე იკითხება ბრალდების სტრატეგია, მოჰყავთ ძალოვანი სტრუქტურის თანამშრომლები, თითოეული მათგანი ყვება წინასწარ დაზეპირებულ ისტორიას, თუ როგორ მოუწოდებდა ნიკა მელია ახალგაზრდებს პარლამენტში შეჭრისკენ და როგორ ახდენდა მეორე "ვარდების რევოლუციას". როდესაც ჯვარედინი დაკითხვის პირობებში მოწმეს კითხვას ვუსვამ, სხვა პოლიტიკოსი თუ გახსოვთ აღნიშნული აქციიდან, ან პარლამენტის სხვა წევრი თუ გახსოვთ, ვინ რას აკეთებდა-მეთქი, არაფერი ახსოვს გარდა იმისა, რომ ნიკა მელიას მოქმედებები დეტალურად აღწერა. კიდევ ერთი ღიმილისმომგვრელი ფაქტი - მას ნიკა ნელია თეთრი პერანგით და ვარცხნილობით დაამახსოვრდა. ამასთან, ყველა პოლიციელს მისი აქტიური როლი დაამახსოვრდა და ვერაფრით ახსნა ვერც ერთმა მათგანმა, რატომ არ ახსოვთ სხვა პოლიტიკოსები აქციაზე, როდესაც აქციას უამრავი პოლიტიკოსი და პარლამენტის წევრი ესწრებოდა და არც ერთი მათგანის სიტყვით გამოსვლა, ან აქტიური მოქმედება არ ახსოვთ. ეს კიდევ ერთხელ მეტყველებს იმაზე,რომ ჩვენებები არის შედგენილი პროკურატურაში და ეს პოლიციელები იმეორებენ ერთმნიშვნელოვნად იმას, რაც უწერიათ ფურცელზე. თუმცა, რამდენიმე მომენტში წინააღმდეგობაშიც მოვიდნენ.

ნიკა მელიას სიტყვით გამოსვლა ყველა ჩვენთაგანმა ვიხილეთ იქ, არსად საუბარი არ იყო ძალადობაზე, სახელმწიფო გადატრიალებაზე. რაც შეეხება, პოლიციელების მიერ გაჟღერებულ ინფორმაციას, ძნელად დასაჯერებელია იმ ხმაურში და აურზაურში როგორ შეიძლება პოლიციელმა გაიგოს თუნდაც, მათი განმარტებით, შიდა წრისთვის გაკეთებული განცხადებები, მაშინ როცა არც ერთი სხვა პოლიტიკოსი ან პარლამენტის წევრი არ ახსოვთ და არ იციან ვინ, რას აკეთებდა",- განაცხადა კონდახიშვილმა.

მისივე თქმით, პოლიციელები წინასწარ დაწერილ ისტორიას მიყვებიან, ოქმები პროკურატურაშია შედგენილი და მათ მიერ გაჟღერებული ინფორმაცია ოქმში დაფიქსირებულ ინფორმაციასთან წინააღმდეგობაში მოდის.