ირაკლი კობახიძე - გუშინწინ გვარამიას სიზმრები ვიხილეთ, გუშინ - კეზერაშვილის, ოცნებობენ, რომ „ნაცმოძრაობის“ და გახარიას კოალიცია შედგეს
ანა ნაცვლიშვილი - მთავრობის ანგარიშვალდებულება პარლამენტის წინაშე არ გულისხმობს იმას, რომ ვიღაც დადგება ტრიბუნასთან, მოყვება სადღეგრძელოებს და მითებს, რა კარგად ცხოვრობს ქვეყანა
საქართველოში კორონავირუსით ინფიცირების 699 ახალი შემთხვევა გამოვლინდა, ბოლო 24 საათში 34 104 ტესტი ჩატარდა
საქართველოში კორონავირუსით კიდევ 9 ადამიანი გარდაიცვალა
გიორგი ვაშაძე - 40%-იანი ბარიერი დეკემბრიდან მოყოლებული იდო დოკუმენტებში, ვინმეს მეხსიერებასთან დაკავშირებით თუ პრობლემები აქვს, შეუძლია მედიკამენტები დალიოს
ირაკლი ღარიბაშვილი პარლამენტს წლიურ ანგარიშს დღეს წარუდგენს
კელი დეგნანი: იუსტიციის უმაღლესმა საბჭომ წარმოადგინა კანდიდატები, ახლა პარლამენტის უფლებამოსილებაა, დროებით შეაჩეროს პროცესი მანამ, სანამ რეფორმის სრულად განხილვა მოხდება
არ გვინდა ისევ კუნთების თამაში და შუბლების მიხეთქება, ისევ ქუჩაში დგომით არ უნდა შევუქმნათ კომფორტის ზონა "ოცნებას" - პაატა მანჯგალაძე

დავით ბაქრაძე - 8 თვე უპატრონოდ არსებული საარჩევნო ყუთების გახსნით შეიძლება პარლამენტის თავმჯდომარედ ედუარდ შევარდნაძე, ვასილ მჟავანაძე ან ცხონებული მეფე ერეკლე აირჩიო

06.10.2021 | 12:00

როგორც მკვდრის გაცოცხლებას არ აქვს აზრი, ასე არ აქვს აზრი ოქტომბრის არჩევნების და თამარ ჟვანიას გაპატიოსნების მცდელობას, - ამის შესახებ პარლამენტის ოპოზიციონერმა დეპუტატმა დავით ბაქრაძემ ჟურნალისტებთან არჩევნების შემსწავლელ საგამოძიებო კომისიასთან დაკავშირებით განაცხადა.

მისი თქმით, ამ პროცესს არანაირი პერსპექტივა არ აქვს, რადგან „როცა 8 თვე ყუთები უპატრონოდ არის ჩაკეტილი, იმ ყუთების გახსნით შეიძლება საქართველოს პარლამენტის თავმჯდომარედ ედუარდ შევარდნაძე, ვასილ მჟავანაძე ან ცხონებული მეფე ერეკლე აირჩიო".

„რა თქმა უნდა, არ ჩავერთვები. ამ კომისიის მუშაობაში ვერც ადრე ვხედავდით აზრს და მითუმეტეს, ახლა ვერ ვხედავთ აზრს. ეს კომისია არის მკვდრის გაცოცხლების ან გაპატიოსნების მცდელობა "ქართული ოცნების" მხრიდან და როგორც ახლა მკვდრის გაცოცხლებას აზრი არ აქვს, ასე არ აქვს აზრი ოქტომბრის არჩევნების და თამარ ჟვანიას გაპატიოსნების მცდელობას. ასე რომ, თავი დაანებონ ზედმეტ პოლიტიკურ ეშმაკობებს და უკაცრავად ტერმინისთვის და მაიმუნობებს. შარლ მიშელის შეთანხმებამ მოგვცა იმის საშუალება, რომ დავანებოთ თავი წარსულ არჩევნებზე დებატს და ვიფიქროთ მომავალზე, ამიტომ უნდა ვიფიქროთ საარჩევნო, სასამართლო რეფორმაზე და ეს არის ახლა გამოსავალი და არა ის, რომ როგორმე უკანა რიცხვით, 8 თვის შემდეგ გადავთვალოთ, რა დევს ყუთებში და ამით დავასკვნათ არჩევნები კარგად ჩატარდა თუ არა. 8 თვე როცა ყუთები უპატრონოდ არის ჩაკეტილი, იმ ყუთების გახსნით შეიძლება საქართველოს პარლამენტის თავმჯდომარედ ედუარდ შევარდნაძე, ვასილ მჟავანაძე ან ცხონებული მეფე ერეკლე აირჩიო. ვინ იცის, რა იყო იმ ყუთებში, რა ხდებოდა ეს 8 თვე, ამიტომ რა აზრი აქვს დღეს ამ ყუთის გახსნას? - სრულიად უპერსპექტივოა და ამაში მონაწილეობას არ ვაპირებთ," - განაცხადა ბაქრაძემ.