როგორც ირკვევა, ქართულ "რეპსოილს" იურიდიულად არაფერი საერთო აქვს ესპანურ "რეპსოილთან", რის გამოც არსებობს საფუძვლიანი სამართლებრივი ეჭვი სახელის მოპარვასთან და/ან ბრენდის მითვისებასთან დაკავშირებით, - აცხადებს ეკონომიკის პროფესორი, საერთაშორისო ფინანსების სპეციალისტი, არჩილ იაკობაშვილი.
მისი თქმით, "რეპსოილი", როგორც საერთაშორისო ბრენდი, არის ესპანური ნავთობკომპანიის სახელი - მადრიდის და ლონდონის საერთაშორისო ბირჟებზე ქვოტირებული საჯარო სააქციო საზოგადოება (სახელმწიფოს წილი 10%, საერთაშორისო ინსტიტუციონალური ინვესტორები - 75%).
"რეპსოილის" წამყვანი კერძო აქციონერები არიან ამერიკული საერთაშორისო საინვესტიციო გიგანტები, როგორებიცაა ბლექროქი, ფიდელიტი, ინვესკო, ვანგარდი და გოლდმანი.
საერთაშორისო "რეპსოილი" თავისი პროდუქციის რეალიზაციას ევროპასა და ლათინურ ამერიკაში არსებული 6 900-ზე მეტი ავტოგასამართი სადგურისა და გაყიდვების ობიექტისგან შემდგარი ფართო ქსელის მეშვეობით ახორციელებს, რომელთაგან მხოლოდ 3 600 ესპანეთში მდებარეობს.
აგრეთვე, 1.2 მილიონი ბარელი დღეში გადამუშავების სიმძლავრით, "რეპსოილი" ფლობს ცხრა ნავთობგადამამუშავებელ ქარხანას, რომელთაგან ხუთი ესპანეთშია, სამი — არგენტინაში, ხოლო ერთი — პერუში.
გარდა ამისა, "რეპსოილი" ფლობს მნიშვნელოვან წილებს კიდევ ერთ ქარხანაში არგენტინასა და ორში ბრაზილიაში.
ბრაზილიის სანაპიროსთან ახალი ნავთობსაბადოების დაზვერვის (ექსპლორაციის) დაფინანსების მიზნით, რეპსოილმა 2010 წელს თავისი ბრაზილიური შვილობილი კომპანიის 40 პროცენტიან წილში შემოიყვანა ჩინური "სინოპეკი."
აგრეთვე, "რეპსოილს" თავისი რეზერვების 15% აქვს ვენესუელაში, რომელთა საბაზრო ღირებულება 133 მილიარდ ევროს შეადგენს.
2026 წელს "რეპსოილმა" აშშ-ს მთავრობის გარანტიის საფუძველზე ვენესუელას, კერძოდ კი მის სახელმწიფო კომპანია PDVSA-ს, თითქმის ორი მილიარდი ევროს ვალი გადაუვადდა", - აცხადებს იაკობაშვილი.
შეგახსენებთ, რომ აფხაზეტში ბენზინის შეტანაში, გავრცელებული ინფორმაციის მიხედვით ფიფურირებს კომპანია, “რეპსოლი” - ერთ-ერთი ყველაზე დიდი ნავთობიმპორტიორია ქვეყანაში, რომელიც ასევე ფლობს ავტოგასამართი სადგურების ქსელს -“კონექტს”.
