ეკონომიკის სამინისტროში აცხადებენ, რომ „IDS ბორჯომის“ მიერ შეტანილი განცხადების შესწავლა მიმდინარეობს, დასკვნას კი იუსტიციის სამინისტრო მოამზადებს
19.05.2022 ნახვები: 578
„IDS Borjomi International“-ის მიერ საქართველოს მთავრობისთვის აქციების წილის უსასყიდლოდ გადაცემის საკითხი, საქართველოს პირველ არხს ეკონომიკისა და მდგრადი განვითარების სამინისტოში დაუდასტურეს.
როგორც უწყებაში განმარტავენ, დაწყებულია კომპანიის მიერ შეტანილი განცხადების შესწავლა და დასკვნის მოსამზადებლად აღნიშნული განცხადება იუსტიციის სამინისტროს გადაეგზავნა.
„დღეს კომპანია „IDS Borjomi International“-ის წარმომადგენელმა ნამდვილად შემოიტანა სამინისტროში განცხადება. მისი შესწავლა უკვე დაიწყო ეკონომიკისა და მდგრადი განვითარების სამინისტრომ და საბოლოო დასკვნისთვის მოსამზადებლად ის იუსტიციის სამინისტროს გადაეგზავნა. უფრო მეტი დეტალი შედეგების მიღებისთანავე გასაჯაროვდება“, – განუცხადეს საქართველოს პირველ არხს ეკონომიკის სამინისტროში.
