აშშ-ის პრეზიდენტი ჯო ბაიდენი აცხადებს, რომ მზად არის, უკრაინაში ჩავიდეს. ამის შესახებ ბაიდენმა ჟურნალისტის კითხვაზე საპასუხოდ განაცხადა.
რეპორტიორმა ბაიდენს ჰკითხა, აპირებს თუ არა ვაშინგტონი უკრაინაში აშშ-ის მთავრობის მაღალჩინოსნის გაგზავნას, რაზეც ბაიდენმა განაცხადა, რომ ამ საკითხზე მუშაობა ახლა მიმდინარეობს.
ამის შემდეგ ბაიდენმა თავად ჰკითხა ჟურნალისტს, მზად არის თუ არა რეპორტიორი უკრაინაში წასასვლელად, რაზე საპასუხოდაც ჟურნალისტმა მას კითხვა შეუბრუნა – და თქვენ მზად ხართ? იკითხა რეპორტიორმა, რაზეც აშშ-ის პრეზიდენტმა დადებითი პასუხი გასცა.
შეგახსენებთ, ამერიკული მედია უკვე რამდენიმე დღეა, ავრცელებს ცნობებს, რომ ვაშინგტონი უკრაინაში მთავრობის მაღალჩინოსნის გაგზავნის საკითხს განიხილავს.
