თბილისის მერის, კახა კალაძეს საბოლოო დიაგნოზი ცნობილია - აუდიოლოგიის ეროვნული ცენტრის ნეიროოტოლოგიის დეპარტამენტის ხელმძღვანელმა, პროფესორმა ეკატერინე ხარხელმა კალაძეს იშემიური გენეზის კოხლეო-ვესტიბულური დისფუნქცია დაუდგინა.
როგორც თბილისის მერია იუწყება, კალაძეს დამატებითი სამედიცინო კვლევები ჩაუტარდა.
„დედაქალაქის მერი თავს უკეთ გრძნობს, მკურნალობის დინამიკა დადებითია. კახა კალაძე აგრძელებს მკურნალობას კლინიკაში, მუშაობს დისტანციურად და მალე დაუბრუნდება ჩვეულ რეჟიმს", - აცხადებენ მერიაში.
შეგახსენებთ:
რამდენიმე დღის წინ, თბილისის მერმა სოციალურ ქსელში დაწერა, რომ ჯანმრთელობის პრობლემები აქვს.
„დამიდასტურდა ვერტებრო- ბაზილარული სინდრომი და ვესტუბულოპათია, რის გამოც ვიმყოფები სამედიცინო კვლევებზე თბილისის ერთ-ერთ კლინიკაში. ვმუშაობ დისტანციურ რეჟიმში და ვაგრძელებ მკურნალობას. მინდოდა, ეს ინფორმაცია ჩემგან მიგეღოთ," - წერდა კალაძე სოციალურ ქსელში.
