მამუკა მდინარაძე: „არ არის მარტივი საზოგადოების სხვადასხვა ფენებისათვის შეზღუდვების განხორციელება"

"ქართული ოცნების" აღმასრულებელი მდივნის, მამუკა მდინარაძის განცხადებით, კორონავირუსის გამო დაწესებული შეზღუდვები ადამიანის ჯანმრთელობას, სიცოცხლეს და საბოლოო ჯამში ეკონომიკას. ამ თემაზე კომენტარი მან საკოორდინაციო საბჭოს ბრიფინგზე გააკეთა.
"მთელი ბოლო დღეების განმავლობაში არ ცხრება, სამწუხაროდ, მათ შორის სპეკულაციებიც, თუმცა, ჯანსაღი დისკუსიაც არის, რა თქმა უნდა, იმასთან დაკავშირებით, რამდენად მართებულია შეზღუდვების ის ფორმები, თავისი პლიუს-მინუსებით, დავარქვათ ასე, რაც არის ქვეყანაში და რომლის ეტაპობრივი მოხსნაც არის ერთ-ერთი მთავარი დღის წესრიგი.
ძალიან კარგად გვესმის, რომ არ არის მარტივი საზოგადოების სხვადასხვა ფენებისათვის შეზღუდვების განხორციელება, მათ თავზე ასახული. თუმცა, ისიც ძალიან კარგად უნდა გვესმოდეს, რომ შეზღუდვა არ არის ვინმეს თვითმიზანი. არანაირი ბენეფიტი სხვაგვარი არ აქვს შეზღუდვას, გარდა იმისა, რომ ის იცავს ადამიანის ჯანმრთელობას, სიცოცხლეს და რა თქმა უნდა, ასევე, იცავს ეკონომიკას საბოლოო ჯამში", - თქვა მამუკა მდინარაძემ.
მდინარაძემ აღნიშნა, რომ სწორედ თანმიმდევრული შეზღუდვების შეძლო მთავრობამ პიკის პერიოდში არსებული სიტუაცია დაესტაბილურებინა.