ინფორმაციას BBC-ის რუსულ სამსახურზე დაყრდნობით უკრაინული სააგენტო „უკრინფორმი“ ავრცელებს.
შეხვედრაში მონაწილეობდა რუსეთის პრეზიდენტის სპეციალური წარმომადგენელი საინვესტიციო და ეკონომიკური თანამშრომლობის საკითხებში კირილ დმიტრიევიც.
მოლაპარაკებებში მონაწილეობა უნდა მიეღო დონალდ ტრამპის კიდევ ერთ სპეციალურ წარმომადგენელს, ჯარედ კუშნერს, თუმცა ავადმყოფობის გამო მან სანქტ-პეტერბურგში გამგზავრება ვერ შეძლო.
კრემლის პრესმდივნის, დმიტრი პესკოვის განცხადებით, კუშნერი პუტინთან მოლაპარაკებებს ვიდეოკავშირის საშუალებით შეუერთდა.
შეხვედრამდე სტივ უიტკოფმა განაცხადა, რომ რუსეთში უკრაინის ომის დასრულების შესახებ ახალი წინადადებების განხილვას გეგმავდა.
მისი თქმით, განსახილველ საკითხებს შორის იყო კიევის, ვაშინგტონისა და მოსკოვის მონაწილეობით სამმხრივი სამშვიდობო მოლაპარაკებების გამართვა, ასევე პროცესში სხვა დაინტერესებული მხარეების ჩართვის შესაძლებლობა.
შეხვედრის კონკრეტული შედეგებისა და მიღწეული შეთანხმებების შესახებ ინფორმაცია ჯერჯერობით არ გავრცელებულა.
წყარო: BBC-ის რუსული სამსახური, „უკრინფორმი“.
