უკრაინის ახალი მთავარსარდალი: ამ პასუხისმგებლობას პატივითა და სრული პასუხისმგებლობით შევასრულებ
უკრაინის შეიარაღებული ძალების ახალმა მთავარსარდალმა, გენერალ-მაიორმა მიხაილო დრაპატიმ, განაცხადა, რომ დაკისრებულ მოვალეობას სრული პასუხისმგებლობითა და ქვეყნის დამცველებისადმი პატივისცემით შეასრულებს.
დრაპატიმ შესაბამისი განცხადება Facebook-ზე გამოაქვეყნა.
„მადლობას ვუხდი უკრაინის პრეზიდენტს ნდობისთვის, თავდაცვის მინისტრს – მხარდაჭერისთვის და თავდაცვის ძალებს – ჩემი სამსახურის ამ ახალი ეტაპისთვის“, – წერს დრაპატი.
მისი თქმით, უკრაინის სამსახური მისთვის ყოველთვის დიდი პატივი იყო, ხოლო დამოუკიდებლობისთვის მიმდინარე ომის პირობებში ეს აბსოლუტურ პასუხისმგებლობას ნიშნავს.
ახალმა მთავარსარდალმა ასევე მადლობა გადაუხადა ყოფილ მთავარსარდალს, გენერალ ალექსანდრ სირსკის, უკრაინის შეიარაღებული ძალების გაძლიერებისთვის გაწეული საქმიანობისთვის.
„ვიმუშავებ პასუხისმგებლობით, მიზანმიმართულად და იმ ადამიანებისადმი უდიდესი პატივისცემით, რომლებიც დღეს ჩვენს სახელმწიფოს იცავენ. დიდება ერს! სიკვდილი მტრებს!“ – განაცხადა მიხაილო დრაპატიმ.
შეგახსენებთ, უკრაინის პრეზიდენტმა ვოლოდიმირ ზელენსკიმ განაცხადა, რომ მიხაილო დრაპატი უკრაინის შეიარაღებული ძალების ახალი მთავარსარდალი გახდება. მისივე თქმით, უახლოეს პერიოდში განახლდება გენერალური შტაბის სტრუქტურაც.
