ქუთაისში, იოსელიანის ქუჩაზე, მშენებარე კორპუსში მომხდარ ნგრევას ერთი ადამიანი ემსხვერპლა.
არსებული ინფორმაციით, 30 წლამდე მამაკაცი სამშენებლო სამუშაოების დროს დაიღუპა. მისი ცხედარი მაშველებმა ჩამონგრეული რკინის კონსტრუქციიდან უკვე ამოიყვანეს.
წინასწარი ინფორმაციით, შემთხვევის დროს ბეტონის საფარის დასხმა მიმდინარეობდა, რა დროსაც კონსტრუქციამ დატვირთვას ვერ გაუძლო და ჩამოიშალა.
მშენებლობას კომპანია შპს „გრადუს გრუპ მაუდი“ ახორციელებს.
შემთხვევის ადგილზე ამ დრომდე მუშაობენ მაშველები და საპატრულო პოლიციის თანამშრომლები. მომხდარის მიზეზების დასადგენად შესაბამისი საგამოძიებო მოქმედებები მიმდინარეობს.
