უკრაინის პრეზიდენტის, ვოლოდიმირ ზელენსკის განცხადებით, „მსურველთა კოალიციის“ შემდეგი შეხვედრა უკრაინაში გაიმართება, - ინფორმაციას უკრაინული მედია ავრცელებს.
საფრანგეთის, გერმანიისა და გაერთიანებული სამეფოს ლიდერებთან ერთად გამართულ პრესკონფერენციაზე ზელენსკიმ განაცხადა, რომ 13 ივლისის შეხვედრას 40 მონაწილე, მათ შორის მოლდოვა, შეუერთდა. მისი თქმით, შეხვედრაზე, სხვა საკითხებთან ერთად, უკრაინის ენერგეტიკული სექტორის ზამთრისთვის მომზადების საკითხიც განიხილეს.
„შევთანხმდით, რომ „მსურველთა კოალიციის“ შემდეგი შეხვედრა უკრაინაში გაიმართება“, - განაცხადა ზელენსკიმ.
ცნობისთვის, პარიზში გამართულ „მსურველთა კოალიციის“ შეხვედრაზე ათი ევროპული ქვეყნის – უკრაინის, დანიის, საფრანგეთის, გერმანიის, იტალიის, ნიდერლანდების, ნორვეგიის, ესპანეთის, შვედეთისა და გაერთიანებული სამეფოს ლიდერები „ანტიბალისტიკური კოალიციის“ შექმნაზე შეთანხმდნენ.
ამასთან, საფრანგეთის პრეზიდენტმა ემანუელ მაკრონმა შეხვედრის დასრულების შემდეგ განაცხადა, რომ საფრანგეთი უკრაინას რაკეტების წარმოების ლიცენზიას გადასცემს.
