აშშ-ის პრეზიდენტის, დონალდ ტრამპის განცხადებით, მისი აზრით, ირანთან ცეცხლის შეწყვეტის შეთანხმება დასრულებულია და ვაშინგტონს თეირანთან ურთიერთობის გაგრძელების სურვილი აღარ აქვს.
ამის შესახებ ტრამპმა ანკარაში, ნატო-ს გენერალურ მდივან მარკ რუტესთან შეხვედრისას განაცხადა.
ჟურნალისტის კითხვაზე, დასრულდა თუ არა ცეცხლის შეწყვეტის შეთანხმება მას შემდეგ, რაც შეერთებულმა შტატებმა გასულ ღამეს ირანის წინააღმდეგ იერიშები განახორციელა, ტრამპმა უპასუხა:
„ეს საინტერესო შეკითხვაა. ვფიქრობ, ის დასრულდა. მათთან საქმის დაჭერა აღარ მსურს. ჩემი აზრით, მათთან ურთიერთობა უბრალოდ დროის კარგვაა.“
ტრამპის თქმით, ამერიკელმა სამხედროებმა „ძალიან ძლიერი დარტყმა“ განახორციელეს.
„მე მათ ვუთხარი: თუ დარტყმას განახორციელებთ, ჩვენ საპასუხო დარტყმას მოგაყენებთ. მაგრამ ისინი ბინძური მოთამაშეები არიან და ყველას ესხმიან თავს. ისინი არ მომწონს. ისინი ბოროტი და ავადმყოფი ადამიანები არიან. ისინი კიბოს ჰგვანან, ხოლო კიბო ადრეულ ეტაპზევე უნდა ამოკვეთო,“ – განაცხადა აშშ-ის პრეზიდენტმა.
