საქართველოში პეტერ ფიშერი აცხადებს, რომ საქართველოში მისი დიპლომატიური მისიის ვადა დასრულდა.
ელჩმა ამის შესახებ სოციალურ პლატფორმა X-ზე ქართულ ენაზე დაწერა და საქართველოს მოქალაქეებს დაემშვიდობა.
„ჩვენი უფლებამოსილების ვადა საქართველოში დასრულდა. მადლობა, ბედნიერად და „Auf Wiedersehen”, – წერს პეტერ ფიშერი.
ამასთან, ელჩმა გამოაქვეყნა ფოტო, რომელიც თბილისში, 9 აპრილის მემორიალთან არის გადაღებული. ფოტოს თან ერთვის ინგლისელი მუსიკოსის პიტერ გებრიელი სიმღერა „Won't Stand Down“ („უკან არ დავიხევთ“).
პეტერ ფიშერი საქართველოში გერმანიის ელჩის მოვალეობას რამდენიმე წლის განმავლობაში ასრულებდა. მისი საქმიანობის პერიოდში იგი არაერთხელ აკეთებდა განცხადებებს საქართველო-გერმანიის ურთიერთობებსა და ქვეყნის შიდა პოლიტიკურ პროცესებთან დაკავშირებით.
