ოკუპირებულ ყირიმსა და სევასტოპოლში რეგიონული საგანგებო მდგომარეობა გამოცხადდა. ინფორმაციას უკრაინული მედია ყირიმის ოკუპაციური ადმინისტრაციის ხელმძღვანელზე, სერგეი აქსიონოვი დაყრდნობით ავრცელებს.
აქსიონოვის განცხადებით, საგანგებო რეჟიმი 26 ივნისიდან ამოქმედდა და შემდგომ შეტყობინებამდე იმოქმედებს.
„ყირიმის რესპუბლიკაში საგანგებო მდგომარეობა გამოცხადდა. ეს გადაწყვეტილება სევასტოპოლის ხელმძღვანელობასთან კოორდინაციით მიიღება და ფინანსური, ფულად-საკრედიტო, სახელშეკრულებო და სხვა ურთიერთობების გამარტივებას ემსახურება“, – განაცხადა აქსიონოვმა.
მისი თქმით, საგანგებო რეჟიმის მიზანია მოსახლეობის საარსებო პირობებთან დაკავშირებული სისტემების სტაბილური ფუნქციონირების უზრუნველყოფა.
