საქართველოს პრემიერ-მინისტრის განცხადებით, ქვეყნის მასშტაბით მიმდინარე საგზაო ინფრასტრუქტურული პროექტების ძირითადი ნაწილი 2031 წლისთვის დასრულდება.
ირაკლი კობახიძემ პარლამენტში გამოსვლისას განაცხადა, რომ უახლოეს წლებში დასრულდება თბილისი-ბათუმის მაგისტრალის დარჩენილი მონაკვეთები, აშენდება ბათუმი-სარფის ახალი მაგისტრალი, ხოლო რუსთავის მაგისტრალის მშენებლობა მიმდინარე წელს დაიწყება და 2029 წელს დასრულდება.
„გეგმის მიხედვით, 2031 წელს მთლიანად ყველა მაგისტრალის მშენებლობა იქნება დასრულებული. რჩება სამტრედია-ზუგდიდის მონაკვეთი, რომლის მშენებლობა სავარაუდოდ 2032 წელს დასრულდება“, – განაცხადა პრემიერმა.
მისივე ინფორმაციით, ბათუმი-სარფის მაგისტრალის მშენებლობა მიმდინარე წელს დაიწყება და 2031 წელს დასრულდება.
ირაკლი კობახიძის განცხადებით, ხელისუფლება საგზაო ინფრასტრუქტურის განვითარებას განსაკუთრებულ მნიშვნელობას ანიჭებს და მიმდინარე წელს ამ მიმართულებით მილიარდობით ლარის პროექტების განხორციელებას გეგმავს.
კობახიძის თქმით, უკვე გამოცხადებულია 2.8 მილიარდ ლარზე მეტი ღირებულების 91 ტენდერი, ხოლო წლის ბოლომდე დამატებით 3 მილიარდ ლარზე მეტი ღირებულების დაახლოებით 120 ტენდერის გამოცხადებაა დაგეგმილი.
პრემიერის განცხადებით, საგზაო ინფრასტრუქტურის განვითარების ერთ-ერთ უმნიშვნელოვანეს შედეგად უკვე დასრულდა რიკოთის ჩქაროსნული მაგისტრალის მშენებლობა.
„რიკოთის მაგისტრალი ისტორიული მნიშვნელობის პროექტია. შედეგად, 8 კილომეტრით შემცირდა გადაადგილების მანძილი და განახევრდა მგზავრობის დრო“, – განაცხადა კობახიძემ.
მისივე თქმით, გზების მშენებლობა და მოდერნიზაცია ხელისუფლების ერთ-ერთ მთავარ პრიორიტეტად რჩება.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
