„კოალიცია ცვლილებისთვის“ ერთ-ერთი ლიდერისა და პარტია „დროას“ დამფუძნებლის, ელენე ხოშტარია ექიმის განცხადებით, ძლიერი ტკივილების გამო პოლიტიკოსს სრულფასოვანი სამედიცინო გამოკვლევა ვერ ჩაუტარდა.
რუსთავის ქალთა პენიტენციურ დაწესებულებაში ხოშტარიას მონახულების შემდეგ რევმატოლოგმა მაკა იოსელიანმა განაცხადა, რომ პაციენტს აღენიშნება როგორც პერიფერიული, ისე ცენტრალური სახსრების დაზიანების ნიშნები, თუმცა რიგი სახსრების შეფასება ძლიერი ტკივილის გამო ვერ მოხერხდა.
„არის ძლიერი ტკივილი, უჭირს დამოუკიდებლად გადაადგილება, ხელჯოხს ხმარობს. პაციენტის გასინჯვა ძნელი იყო, მიუხედავად მისი მონდომებისა. პაციენტს სამედიცინო მაგიდაზე გასინჯვისთვის დაწოლა გაუძნელდა“, – განაცხადა იოსელიანმა.
მისი თქმით, არსებული მონაცემები ანთებით სახსროვან პათოლოგიაზე მიუთითებს, რომელიც, სავარაუდოდ, პროგრესირებს. ექიმის განმარტებით, 2024 წელს თურქეთში ელენე ხოშტარიას რეაქტიული ართრიტის დიაგნოზი დაუსვეს, თუმცა მას შემდეგ კლინიკური სურათი მნიშვნელოვნად შეიცვალა.
იოსელიანის განცხადებით, პაციენტის ანამნეზში ფიქსირდება აუტოიმუნური ჰემოლიზური ანემიისა და სხვა ჯანმრთელობის პრობლემების არსებობაც, რის გამოც დამატებითი გამოკვლევებია საჭირო.
„ვფიქრობ, რომ კვლევა მულტიპროფილურ კლინიკაში უნდა ჩატარდეს, რადგან გამოირიცხოს ყველა შესაძლო ვარიანტი და გაითვალოს ყველა რისკი. არცერთი ქვეყნის ექიმი მკურნალობას არ დაიწყებს, სანამ სრულფასოვანი კვლევა არ ჩატარდება“, – აღნიშნა მაკა იოსელიანმა.
წყარო: ექიმ რევმატოლოგ მაკა იოსელიანის განცხადება.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
