რუსეთის კრასნოდარის მხარეში, პოლტავსკაიას დასახლებაში მდებარე ნავთობბაზაზე ხანძარი გაჩნდა. რუსული და უკრაინული წყაროების ცნობით, ინციდენტი სავარაუდოდ უპილოტო საფრენი აპარატების შეტევას უკავშირდება.
კრასნოარმეისკის რაიონის ხელმძღვანელის, ალექსანდრ ხარიტონოვის განცხადებით, ხანძარი დრონის ჩამოვარდნილი ნამსხვრევების შედეგად გაჩნდა. დაშავებულებისა და ზარალის შესახებ ინფორმაცია ამ დროისთვის არ გავრცელებულა.
მონიტორინგის არხ Exilenova+-ის ინფორმაციით, ნავთობბაზაზე ერთდროულად სამი რეზერვუარი იწვის.
პოლტავსკაიას ნავთობბაზა კრასნოდარის მხარისა და ადიღეს რესპუბლიკის საწვავით მომარაგების ერთ-ერთი მნიშვნელოვანი ობიექტია. კომპლექსი დაახლოებით 28 საცავს მოიცავს.
აღსანიშნავია, რომ მიმდინარე თვეში ეს აღნიშნულ ობიექტზე პირველი შეტევა არ არის. მსგავსი ინციდენტის შესახებ ინფორმაცია 16 ივნისსაც გავრცელდა.
