აშშ-ის პრეზიდენტის, დონალდ ტრამპის განცხადებით, უკრაინის პრეზიდენტი ვოლოდიმირ ზელენსკი რუსეთის წინააღმდეგ მიმდინარე ომის პირობებში ეფექტიანად მოქმედებს და რთული ვითარების მიუხედავად პოზიციების შენარჩუნებას ახერხებს.
ნატო-ს გენერალურ მდივან მარკ რუტესთან შეხვედრის შემდეგ გაკეთებულ კომენტარში ტრამპმა აღნიშნა, რომ ზელენსკი მამაცი ლიდერია და მის განკარგულებაში როგორც სამხედრო ტექნიკა, ისე მოტივირებული მებრძოლები არიან.
„ვფიქრობ, ის საკმაოდ კარგად მოქმედებს. უნდა ითქვას, რომ ის მამაცია. მას კარგი სამხედრო ტექნიკა აქვს, მაგრამ ასევე ჰყავს შესანიშნავი ადამიანები - მებრძოლები“, – განაცხადა ტრამპმა.
მისივე თქმით, ომს ორივე მხარეს დიდი მსხვერპლი მოაქვს, თუმცა უკრაინა ამ ეტაპზე საკუთარი პოზიციების შენარჩუნებას ახერხებს.
