აშშ-ის ვიცე-პრეზიდენტის ჯეი დი ვენსის განმარტებით, ჯერ კიდევ გასარკვევია, მოაწერს თუ არა პრეზიდენტი დონალდ ტრამპი ხელს ირანთან შეთანხმების წინასწარ მემორანდუმს, რადგან მხარეები კვლავ აწარმოებენ მოლაპარაკებებს „რამდენიმე ფორმულირების საკითხზე“.
„ვფიქრობ, რთულია ზუსტად თქმა, როდის ან საერთოდ მოაწერს თუ არა პრეზიდენტი ხელს ურთიერთგაგების მემორანდუმს. „რამდენიმე ფორმულირებაზე ჯერ კიდევ შეთანხმების პროცესში ვართ,“ - განუცხადა ვენსმა ჟურნალისტებს.
მისი განმარტებით, ირანის ბირთვულ პროგრამასა და გამდიდრებულ ურანთან დაკავშირებული რამდენიმე მნიშვნელოვანი საკითხი კვლავ დაუზუსტებელი და განხილვის პროცესში რჩება.
„იმედი გვაქვს, პროგრესს გავაგრძელებთ და პრეზიდენტი შეთანხმებას მხარ დაუჭერს, თუმცა, ცხადია, ეს ჯერ კიდევ გასარკვევია,“ - განაცხადა ჯეი დი ვენსმა.
მისივე თქმით, ჯერ ვერ ამბობს დაზუსტებით, რომ ასეთი შეთანხმების მიღწევა აუცილებლად მოხდება.
„მივალთ იმ ეტაპამდე, როდესაც შესაძლოა დავსხდეთ და ეს საკითხები საბოლოოდ მოვაგვაროთ, თუმცა ამისთვის კიდევ ცოტა მეტი პროგრესია საჭირო. ვერ დავადასტურებ, რომ აუცილებლად მივაღწევთ ამას, მაგრამ ამ ეტაპზე საკმაოდ ოპტიმისტურად ვარ განწყობილი,“ - განაცხადა ვიცე-პრეზიდენტმა.
ცნობისთვის, მანამდე, აშშ-ის ოფიციალურმა პირებმა განაცხადეს, რომ შეერთებულ შტატებსა და ირანს შორის მოლაპარაკებების შედეგად მიღწეულია წინასწარი შეთანხმება, თუმცა შეთანხმებისთვის ხელი ჯერჯერობით არ მოუწერია აშშ-ის პრეზიდენტს, დონალდ ტრამპს.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
