რუსეთის ქალაქ იაროსლავლში აფეთქებები მოხდა, რასაც ნავთობგადამამუშავებელ ქარხანაში ხანძარი მოჰყვა. ინფორმაციას „ტელეგრამ“ არხები ავრცელებენ.
მათივე ინფორმაციით, თავდასხმა განხორციელდა მოსკოვსა და როსტოვზეც.
პირველი დრონები, 7 მაისის საღამოს შენიშნეს. ამის შემდეგ, „როსავიაციამ“ მოსკოვის „ვნუკოვოსა“ და „დომოდედოვოს“ აეროპორტებში შეზღუდვები გამოაცხადა. მოსკოვის მერმა სერგეი სობიანინმა მოგვიანებით განაცხადა, რომ რუსეთის თავდაცვამ დრონები ჩამოაგდო.
ასევე, გავრცელებული ინფორმაციით, რუსეთის ქალაქ იაროსლავლში „იაროსლავნეფტეორგსინტეზის“ გადამამუშავებელ ქარხანაზე დარტყმა განხორციელდა, რის შედეგადაც მის ტერიტორიაზე ხანძარი გაჩნდა.
ამასთან, იერიში მიიტანეს დონის როსტოვზეც. წინასწარი მონაცემებით, თავდასხმა „აგროპრომზაპჩასტის“ ქარხანაზე განხორციელდა.
