წალენჯიხის მუნიციპალიტეტში, სსიპ „აწარმოე საქართველოში“ სამეგრელო-ზემო სვანეთის საკონსულტაციო ცენტრის ხელმძღვანელმა ცირა მესხიამ ადმინისტრაციულ ერთეულებში მერის წარმომადგენლებთან და ადგილობრივ ბიზნეს სექტორთან საინფორმაციო სახის შეხვედრა გამართა.
წალენჯიხის მუნიციპალიტეტის მერიის ინფორმაციით, ცირა მესხიამ დეტალურად ისაუბრა სსიპ „აწარმოე საქართველოში“ სამეგრელო-ზემო სვანეთის რეგიონის ბიზნეს- საკონსულტაციო ცენტრის მიერ განხორციელებული, დაგეგმილი და მიმდინარე პროგრამების შესახებ.
ბიზნეს საკონსულტაციო ცენტრი, რეგიონის მასშტაბით, საკონსულტაციო მომსახურების თანადაფინანსების, ბიზნეს უნარების გაუმჯობესების და საინფორმაციო მომსახურების მიმართულებით – მიკრო, მცირე და საშუალო ბიზნესის მხარდამჭერ სხვადასხვა პროგრამას ახორციელებს.
სააგენტო„აწარმოე საქართველოში“ დაინტერესებულ პირებს სთავაზობს საკონსულტაციო მომსახურების თანადაფინანსებას ექვსი მიმართულებებით: გაყიდვები და მარკეტინგი; საგადასახადო საკითხები; იურიდიული საკითხები; ფინანსები და ბუღალტერია; ბიზნეს მოდელირება და სტრატეგიის დაგეგმვა; გაციფრულება;
შეხვედრა დიალოგის რეჟიმში წარიმართა. შეხვედრის მონაწილეებმა ინფორმაცია მიიღეს სახელმწიფო სერვისებზე, ბიზნესის მხარდამჭერ სახელმწიფო პროგრამებსა და ინიციატივებზე.
აღინიშნა, რომ ფინანსური ხელმისაწვდომობის კუთხით ,,აწარმოე საქართველოში” კვლავაც აგრძელებს მიკრო და მცირე მეწარმეობის მხარდაჭერის პროგრამას და უპროცენტო ბიზნეს სესხების გაცემას 20 000 ლარიდან 50 000 ლარამდე.
