არ დაგავიწყდეთ, ეკონომიკური ომი ხშირად გადაზრდილა რეალურში-მედვედევი
01.03.2022 ნახვები: 596
უსაფრთხოების საბჭოს თავმჯდომარის მოადგილე და ყოფილი პრემიერი, დმიტრი მედვედევი ამბობს, რომ ისტორიის განმავლობაში ეკონომიკური ომები ხშირად გადაზრდილა რეალურ ომებში.
მანამდე საფრანგეთის ფინანსთა მინისტრმა განაცხადა, რომ ევროკავშირის წევრი ქვეყნები აპირებენ, ტოტალური ეკონომიკური ომი დაიწყონ რუსეთის წინააღმდეგ.
"იქ ვიღაც ფრანგმა მინისტრმა თქვა, რომ ეკონომიკური ომი გამოგვიცხადეს. საუბარს დაუკვირდით, ბატონებო! და არ დაგავიწყდეთ, რომ კაცობრიობის ისტორიაში ეკონომიკური ომები ხშირად გადაზრდილა რეალურში", - წერს მედვედევი ტვიტერზე.
