საბერძნეთის ნაკრების მწვრთნელი - საქართველოს ნაკრებს კარგად ვიცნობ, არა მგონია სანიოლმა რამე შეცვალო

საბერძნეთის ნაკრებმა საქართველოს ეროვნულ გუნდთან ევრო 2024-ის პლეი ოფის ფინალურ მატჩამდე „დინამო არენაზე“ ივარჯიშა. ვარჯიშის დაწყებამდე გუნდის მთავარმა მწვრთნელმა, გუსტავო პოიეტმა პრესკონფერენცია გამართა.

„რამეს თუ ნიშნავს ის ფაქტი, რომ აქამდე ჩატარებული ცხრა შეხვედრიდან საქართველოს ნაკრებს საბერძნეთთან ჯერ არ მოუგია? მნიშვნელობა არ აქვს რა იყო წარსულში, ჩვენი ამოცანაა, მხოლოდ ხვალინდელ თამაშზე ვიფიქროთ.

გვაქვს თუ არა გეგმა ხვიჩა კვარაცხელიას წინააღმდეგ სათამაშოდ, რა თქმა უნდა, ამაზე ახლა არ ვისაუბრებ, მაგრამ საქართველოს ნაკრებს კარგად ვიცნობ და არა მგონია, ვილი სანიოლმა ამ მატჩისთვის რამე შეცვალოს.

ორივე გუნდში ბევრი ახალგაზრდა ფეხბურთელია, მთავარი იქნება, როგორ გაუძლებენ წნეხს და თავის შესაძლებლობებს როგორ წარმოაჩენენ – ამ კითხვაზე პასუხს ხვალ გავიგებთ“, – განაცხადა გუსტავო პოიეტმა.