ალექსეი ნავალნის მოკავშირეები აცხადებენ, რომ ოპოზიციონერი პოლიტიკოსის ზელიმხან ხანგოშვილის მკვლელობაში მსჯავრდებულზე გაცვლა იგეგმებოდა

ალექსეი ნავალნის მოკავშირეები აცხადებენ, რომ ოპოზიციონერი პოლიტიკოსის გაცვლა იგეგმებოდა.

„ის უნდა გაეცვალათ ზუსტად ამ დღეებში. პუტინს შეთავაზება გაუკეთეს“, – დაწერა სოციალურ ქსელ X-ში ნავალნის პრესმდივანმა, კირა იარმიშმა.

თავის მხრივ, ნავალნის თანამოკავშირე მარია პევჩიხ იუთუბ-ზე გავრცელებულ ვიდეოში აცხადებს, რომ განიხილებოდა ნავალნის და აშშ-ის ორი მოქალაქის გაცვლა ბერლინში ზელიმხან ხანგოშვილის მკვლელობისთვის მსჯავრდებული „ფეესბეს“ ოფიცრის, ვადიმ კრასიკოვის სანაცვლოდ.

„მე 15 თებერვლის საღამოს მივიღე დადასტურება იმაზე, რომ მოლაპარაკებები მიმდინარეობდა და ფინალურ სტადიაზე იყო. 16 თებერვალს ალექსეი მოკლეს“, – აცხადებს პევჩიხი.

მანამდე, გერმანული გამოცემა „ბილდი“ წერდა, რომ ნავალნის გარდაცვალებამდე მის გაცვლის საკითხს აშშ, რუსეთი და გერმანია განიხილავდნენ.