ჯიმ ო'ბრაიენი - აშშ მოუთმენლად ელის პრემიერ კობახიძის მთავრობასთან მუშაობას 2024 წელს
18.02.2024 ნახვები: 557
საქართველოს საგარეო საქმეთა მინისტრი, ილია დარჩიაშვილი, აშშ-ის სახელმწიფო მდივნის თანაშემწეს, ჯიმ ო'ბრაიენს შეხვდა.
ქართველ დიპლომატთან შეხვედრას სოციალურ ქსელ X-ზე თავად ო'ბრაიენი ეხმაურება:
„როგორც საქართველოს საგარეო საქმეთა მინისტრს, ილია დარჩიაშვილს ვუთხარი მიუნხენის უსაფრთხოების კონფერენციის ფარგლებში შეხვედრისას, აშშ მოუთმენლად ელის მასთან და პრემიერ კობახიძის მთავრობასთან მუშაობას 2024 წელს, ჩვენი ორმხრივი ურთიერთობების გასაძლიერებლად და საქართველოს ევროატლანტიკური ინტეგრაციის წინსვლისთვის",-წერს ო'ბრაიენი.
ინფორმაციას საქართველოს საგარეო საქმეთა სამინისტრო ავრცელებს.
