ლეგენდარულ ქართველ სუმოისტ ლევან გორგაძეს იგივე ტოჩინოშინს, 4 თებერვალს ტოკიოში რიოგოკუ კოკუკიგანში გააცილებენ. სუმოს წესების თანახმად, წამსვლელ რიკიშის თმას ჭრიან და ამგვარი რიტუალით აცილებენ დიდი სპორტიდან.
ღონისძიებას უამრავი სახელოვანი მოქმედი და ყოფილი სუმოისტი დაესწრება და ამავდროულად ლევან გორგაძე იაპონიაში საქართველოს საელჩოში სპეციალური თხოვნით მისულ ქართველ ქომაგს ღონისძიებაზე დასასწრებ ბილეთს უფასოდ გადასცემს.
ცნობისთვის, ლევან გორგაძე სუმოს კლუბ კასუგანო ბეიას რიკიში იყო, ხოლო პროფესიონალური დებიუტი 2006 წლის მარტის ბაშზოზე ჰქონდა. ლევან გორგაძე ბაშოზე ჯამში 102-ჯერ გამოვიდა და აქედან ერთხელ 2018 წლის იანვარში შეძლო იმპერატორის თასის მოგება. ტოჩინოშინი დამატებით 4-ჯერ გახდა იმპერატორის თასის ვიცე-ჩემპიონი, ხოლო 7 ბაშოს განმავლობაში ის სუმოს რანგით მეორე წოდებას - ოძეკის ატარებდა.
დღესდღეობით ლევან გორგაძე იაპონიაში ქართული ღვინის ექსპორტითაა დაკავებული
ტოჩინოშინს, დიდი სპორტიდან 4 თებერვალს გააცილებენ
ნახვები: 645
