იტალიაში, ქალაქ პიზაში, 25 წლის ტუნისელი ახალგაზრდის მკვლელობის საქმეზე ძებნილი კიდევ ოთხი ადამიანი დააკავეს, მათგან ერთი საქართველოს მოქალაქეა, - ინფორმაციას ადგილობრივი მედია ავრცელებს.
მათივე ინფორმაციით, გამომძიებლები თვლიან, რომ მათ დაადგინეს ყველა პირი, ვინც 5 იანვარს მომხდარ ჩხუბში იყო ჩართული, თუმცა მიაჩნიათ, რომ მკვლელობაზე პასუხისმგებელი მხოლოდ მკვლელობიდან 24 საათში დაკავებული ქართველია.
პიზის პროკურატურის მოთხოვნით, დაკავებული ტუნისელები წინასწარი დაკავების იზოლატორში, ქართველი კი - შინაპატიმრობაში იმყოფება.
შეგახსენებთ, იტალიის ქალაქ პიზაში ტუნისელი ახალგაზარდის მკვლელობაში ეჭვმიტანილი საქართველოს 32 წლის მოქალაქე რამდენიმე კვირის წინ დააკავეს და სამართალდამცავები, აღნიშნული მკვლელობის საქმეზე, საქართველოს კიდევ ერთ მოქალაქეს ეძებდნენ.
IPN
