5.6 მილიონი $-ის პიროტექნიკა საქართველოში და ექიმის რჩევები - როგორ ავირიდოთ საფრთხეები?!
31.12.2023 ნახვები: 626
სტატისტიკის ეროვნული სამსახურის მონაცემებით, საქართველოში 2023 წლის იანვარი-ნოემბრის პერიოდში 5.6 მილიონი დოლარის ღირებულების პიროტექნიკის (ფოიერვერკი, სასიგნალო შუშხუნა, წვიმის რაკეტა და პიროტექნიკის სხვა ნაწარმი) იმპორტი განხორციელდა.
ამავე მონაცემების თანახმად, 11 თვეში საქართველოში 616,4 ტონა პიროტექნიკა შემოვიდა, 2022 წლის 11 თვეში კი 777.1 ტონა.
რაც შეეხება ფინანსურ რესურსს, 2022 წელს ქვეყანას ერთი ტონა პიროტექნიკის შესყიდვა 7 484 დოლარი დაუჯდა, წელს კი 9 112 დოლარი.
სტატისტიკა წლების მიხედვით კი ასე გამოიყურება:
- 2022 წელი [დეკემბრამდე] – 5 მლნ 816 ათასი აშშ დოლარი
- 2021 წელი – 1 მლნ 844 ათასი აშშ დოლარი
- 2020 წელი – 3 მლნ 554 ათასი აშშ დოლარი
- 2019 წელი – 6 მლნ 305 ათასი აშშ დოლარი
- 2018 წელი – 4 მლნ 383 ათასი აშშ დოლარი
- 2017 წელი – 4 მლნ 021 ათასი აშშ დოლარი
ექიმის რჩევები მშობლებს
რისკებისა და საფრთხეების გათვალისწინებით, ექიმი მშობლებს ურჩევს, არავითარ შემთხვევაში არ მისცენ ბავშვებს საშუალება, თავად შეიძინონ და მით უფრო, გამოიყენონ პიროტექნიკა.
კონკრეტულ შემთხვევაში, დიდი მნიშვნელობა აქვს ე.წ ასაფეთქებლების სწორად მოხმარებას, რამაც შესაძლოა მოზარდებს მნიშვნელოვანი ზიანი მიაყენოს.
