აშშ-ის სახაზინო დეპარტამენტის მდივანმა, ჯანეტ იელენმა ჩინეთის ვიცე-პრემიერს, ჰე ლიენგს შეხვედრის დაწყებამდე განუცხადა, რომ სურს „ღია და არსებითი“ დისკუსია აშშ-ჩინეთის ეკონომიკურ ურთიერთობებზე, – ამის შესახებ „როიტერი“ წერს.
იელენის თქმით, აშშ-ს არ აქვს ჩინეთიდან გამოყოფის სურვილი.
„ჩვენი სრული გამიჯვნა ეკონომიკურად დამღუპველი იქნება როგორც ჩვენი ქვეყნისთვის, ასევე მსოფლიოსთვის“,- აღნიშნა იელენმა და თქვა, რომ აშშ ეძებს ჯანსაღ ეკონომიკურ ურთიერთობას ჩინეთთან, რომელიც სარგებელს მოუტანს ორივე ქვეყანას.
აშშ-ის სახაზინო დეპარტამენტის მდივანმა განაცხადა, რომ მოუთმენლად ელოდება გლობალურ გამოწვევებზე თანამშრომლობის განხილვას და აღნიშნა, რომ აშშ-სა და ჩინეთს „აკისრიათ ვალდებულება, წარმართონ დისკუსიები” ამ საკითხებზე.
მისივე თქმით, შეხვედრაზე აპირებს ჩინეთის ვიცე-პრემიერთან განიხილოს აშშ-ის გეგმები ეროვნული უსაფრთხოების შეზღუდვების შესახებ გარკვეული ტექნოლოგიების ექსპორტზე და აშშ-ის ინვესტიციებზე ჩინეთში.
„აშშ გააგრძელებს მიზანმიმართულ ქმედებებს ჩვენი და ჩვენი მოკავშირეების ეროვნული უსაფრთხოების დასაცავად, მაგრამ ჩვენ ასევე მზად ვართ, მკაფიოდ ვაცნობოთ ამ ქმედებების შესახებ, რათა თავიდან ავიცილოთ რაიმე გაუგებრობა ან არასწორი გათვლები. ჩვენ მივესალმებით მეტ სიცხადეს ჩინეთის მოქმედებებში“, – განაცხადა იელენიმ.
