პარტიასთან გამიჯვნა არ ხდება. ვინაიდან მიხეილ სააკაშვილი სპეციფიკურ ვითარებაშია და ამომრჩეველთან პირდაპირი კომუნიკაციის შესაძლებლობა არ აქვს, საჭიროა კონკრეტული ადამიანი, რომელიც მხოლოდ ამ მიმართულებით იმუშავებს, – ამის შესახებ „სტრატეგია აღმაშენებლის“ წევრმა, პაატა მანჯგალაძემ განაცხადა, რომელმაც მიხეილ სააკაშვილის სახელით სოფო ჯაფარიძის მიერ საარჩევნო კამპანიის დაწყებაზე გააკეთა კომენტარი.
მანჯგალაძის თქმით, კარგი ინიციატივაა, რადგან ხალხთან უფრო ახლოს ყოფნა ყოველთვის მისასალმებელია.
„ინტერპრეტაცია რომ არ იყოს, სააკაშვილმა ძალიან გარკვევით ისაუბრა, რა მისია აქვს ჯაფარიძეს. ასევე, გარკვევით თქვა სოფო ჯაფარიძემ. პარტიასთან გამიჯვნა არ ხდება. პირიქით, ეს არის ხალხთან უფრო ახლო კომუნიკაციის შესაძლებლობა, ვინაიდან მიხეილ სააკაშვილი სპეციფიკურ ვითარებაშია და მას არ აქვს ამომრჩეველთან პირდაპირი კომუნიკაციის შესაძლებლობა. ამიტომ საჭიროა კონკრეტული ადამიანი, რომელიც მხოლოდ ამ მიმართულებით იმუშავებს.
პარტიას აქვს სხვა ბევრი მიზანი და ამოცანა. ამიტომ ერთი მეორეს კი არ ემიჯნება და ეწინააღმდეგება, არამედ ავსებს. ძალიან კარგი ინიციატივაა და ეს არავის არაფერს არ დაუშავებს, პირიქით, ხალხთან უფრო ახლოს ყოფნა ყოველთვის მისასალმებელი და კარგია. ლიდერობას მოქალაქეობა არ სჭირდება. ლიდერობა მოქალაქეობაზე ზემოთაა. ლიდერობა პიროვნულ გავლენებს ნიშნავს. ვერანაირი კანონი და ვერანაირი კონსტიტუცია ვერ შეაჩერებს ამ პიროვნულ გავლენებს და პიროვნულ ავტორიტეტს. ამიტომ მოქალაქეობის საკითხზე საუბარი სისულელე მგონია. ივანიშვილი სინამდვილეში საქართველოს მოქალაქე არასდროს ყოფილა და აგერ, ქვეყანა გადაატრიალა“, – განაცხადა პაატა მანჯგალაძემ
