იაპონიაში საქართველოს ელჩს თავს დაესხნენ. თავდასხმა ტოკიოში იმ დროს მოხდა, როდესაც საქართველოს ელჩი თეიმურაზ ლეჟავა მძღოლთან ერთად იმყოფებოდა. მომხდარის ამსახველ ვიდეომასალას ელჩი თავად ავრცელებს სოციალურ ქსელში.
თეიმურაზ ლეჟავა მანქანით საელჩოს შენობასთან ახლოს იმყოფებოდა, რა დროსაც ელჩის მანქანას წინ მიმავალმა ავტომობილმა გზა გადაუჭრა, შემდეგ ელჩისთვის უცნობი მძღოლი მანქანიდან გადმოვიდა და ელჩის ავტომობილის მისამართით ყვირილი დაიწყო. მოგვიანებით კი, მანქანასთან მიიჭრა და იქიდან მძღოლისა და ელჩის გადმოყვანა სცადა.
იაპონური მედიის ცნობით, თავდასხმა საქართველოს საელჩოსთან ახლოს მოხდა. ინციდენტის შედეგად არც საქართველოს ელჩი და არც მისი მძღოლი არ დაშავებულან. მომხდარს ადგილობრივი პოლიცია იძიებს.
