"ვერ მოგვათვინიერებენ" - კულტურის სამინისტროსთან აქცია გრძელდება. კინოცენტრის მოქმედი და ყოფილი თანამშრომლები ულტიმატუმის ვადის ამოწურვის და უპასუხოდ დატოვებული მოთხოვნების მიუხედავად პროტესტს აგრძელებენ.
კინოცენტრის თანამშრომლებმა აქციაზე თეა წულუკიანის უწყების სტრატეგია გაამჟავნეს. ირკვევა, რომ კულტურის სამინისტრო და კინოცენტრის ახალი ხელმძღვანელობა საპროტესტო აქციაში მონაწილე ხელოვანების გადაბირებას ცდილობს.
"ნებისმიერი პროტესტი უნდათ, რომ გააშაონ იმით, რომ ვართ პოლიტიკურად ანგაჟირებულები და ერთი და იგივე მეთოდებს იყენებენ. უკვე სასაცილოა, ჩვენ ჩვენს საქმეს ნაბიჯ-ნაბიჯ გავაკეთებთ, რეპრესირებული კულტურით თავისუფლები ვერ ვიქნებით, ასე, რომ ვერ მოგვათვინიერებენ,“ - ამბობს აქციის მონაწილე.
აქციის მონაწილეები ამ ეტაპზე სამოქმედო გეგმის გამხელისგან თავს იკავებენ, თუმცა, ამბობენ, რომ პროტესტი უფრო მასშტაბურ სახეს მიიღებს.
"ამით ეს პროტესტი არ მთავრდება, ვაგრძელებთ იმიტომ, რომ ჩვენ ვიცავთ ქართულ კინოს, კულტურას. არ დავთმოვთ კინო სექტორს ცენზურისთვის, პროტესტი გრძელდება,“ - ამბობს აქციის მონაწილე.
