ჯო ბაიდენი - ტაქტიკური ბირთვული იარაღის გამოყენების მუქარა რეალურია
20.06.2023 ნახვები: 592
ტაქტიკური ბირთვული იარაღის გამოყენების მუქარა რეალურია,- ეს განცხადება აშშ-ის პრეზიდენტმა, ჯო ბაიდენმა გააკეთა.
„დაახლოებით ორი წლის წინ ვამბობდი, რომ ვნერვიულობ მდინარე კოლორადოს დაშრობაზე, ყველა ისე მიყურებდა, თითქოს გიჟი ვიყავი. ისინი ახლაც ასე მიყურებენ, როცა ვამბობ, რომ ვნერვიულობ, რადგან პუტინმა შეიძლება, ტაქტიკური ბირთვული იარაღი გამოიყენოს. ეს რეალურია“, – განაცხადა ბაიდენმა.
გასულ კვირას, ბელარუსის პრეზიდენტმა, ალექსანდრ ლუკაშენკომ განაცხადა რუსული ტაქტიკური ბირთვული იარაღის მიღების შესახებ, რომელიც მისი თქმით, სამჯერ უფრო ძლიერია, ვიდრე 1945 წელს აშშ-ის ჰიროსიმასა და ნაგასაკში ჩამოგდებული ატომური ბომბი. პრეზიდენტმა ბაიდენმა რუსული ტაქტიკური ბირთვული იარაღის ბელარუსში განთავსებას „აბსოლუტურად უპასუხისმგებლო საქციელი“ უწოდა.
