რუსეთის თავდაცვის სამინისტრო უარყოფს რუსულ მედიაში გავრცელებულ ინფორმაციას, უკრაინის მიერ კონტრიერიშის დაწყებასთან და ფრონტის ხაზზე თავდაცვის გარღვევასთან დაკავშირებით. ამის შესახებ „ბიბისი“ უწყების მიერ გავრცელებულ განცხადებაზე დაყრდნობით წერს.
„ცალკეული ტელეგრამ-არხების მიერ გავრცელებული განცხადებები „თავდაცვის გარღვევასთან დაკავშირებით“ შეხების ხაზის სხვადასხვა მონაკვეთზე, სინამდვილეს არ შეესაბამება“, – აღნიშნულია განცხადებაში.
ამავე განცხადებაში ნათქვამია, რომ ბახმუტის მიმართულებით მათ მოწინააღმდეგის რვა შეტევა მოიგერიეს.
კონტრიერიშის დაწყებასთან დაკავშირებით, განცხადებები არ გაკეთებულა არც უკრაინის მხრიდან.
ბოლო ინფორმაციით, რუსულმა ძალებმა ღამის განმავლობაში, ზაპოროჟიე და ხერსონის ოლქები დაბომბეს. უკრაინის გენშტაბის განცხადებით, მათ ოთხი მიმართულებით, მოწინააღმდეგის 44 თავდასხმა მოიგერიეს.
